Villuráfandi embættismaður.

Hvað er vararíkissaksóknari að gera inni á samfélagsmiðlum að tjá sig um mál sem gætu jafnvel lent inni á borði hjá honum eftir nokkra mánuði?  Hvar er dómgreind þessa embættismanns?


mbl.is Sakar vararíkissaksóknara um óþolendavæna afstöðu
Tilkynna um óviðeigandi tengingu við frétt

Leikar byggingar

Hvenær ætlum við að læra að byggja svo vel rakaheld hús (vatnsheld) þannig að ekki geti kviknað í þeim sveppagró, en hún lifir ekki án raka?


mbl.is Leiguverðið 1,2 milljónir mánaðarlega
Tilkynna um óviðeigandi tengingu við frétt

Sami vandi hérlendis?

Getur verið að á Landspítalanum sé svipað vandamál á ferðinni í mönnun og stjórnun spítalan og Geir lýsir í viðtalinu, og að svipaðra aðgerða sé þörf hér hjá okkur?


mbl.is Sagði upp 400 læknum og sjúkraliðum
Tilkynna um óviðeigandi tengingu við frétt

Snýst um aðgang íslenskra neytenda að okkar eigin fiski

Þetta uppboðs fyrirkomulag á fiski snýst m.a. um aðgang íslenskra neytenda og veitingahúsa að þessum fiski því þessir kaupendur kaupa allan sinn fisk af fiskbúðum og öðrum smáum vinnslum.  
Þarna þurfa yfirvöld því að grípa inní og setja fiskmörkuðum reglur um framkvæmd uppboða sem gera smærri aðilum kleyft að kaupa magn við sitt hæfi.


mbl.is Vill ríkisstjórnina að borðinu
Tilkynna um óviðeigandi tengingu við frétt

Stolin gögn og falskar fréttir

Fréttamenn sem eru nógu ómerkilegir til að stela gögnum og nota þau í fréttaflutningi sínum eru líka nógu ómerkilegir til að falsa gögn og fréttir. Þeir verða því aldrei trúverðugir uppfrá því.  Því aðeins eru fréttamenn, fjórða valdið, trúverðugir að þeir starfi eftir sömu reglum og gilda um framkvæmdavaldið, löggjafarvaldið og dómsvaldið.  
þetta gerir fjórða valdið því miður sjaldnast og er því aldrei áreiðanlegt, heldur í besta falli fróðlegt og stundum skemmtilegt. Vilji maður áreiðanlegar niðurstöður í einhverju máli leitar maður aldrei til fjölmiðla.


mbl.is Ræða kæru á hendur Jóhannesi
Tilkynna um óviðeigandi tengingu við frétt

Samúð

Ég votta þér samúð Gísli Marteinn.


mbl.is Hundur Gísla Marteins kvaddi í gær
Tilkynna um óviðeigandi tengingu við frétt

Langlundargeð Landsréttar.

Hvernig getur staðið á því, ef rétt er, að Landsréttur sýni ofbeldismönnum meira langlundargeð en héraðsdómar.  Ég hef staðið í þeirri meiningu að við viljum almennt taka harðar á ofbeldi, sérstaklega gagnvart konum, heldur en áður hefur verið gert fyrir íslenskum dómstólum. 

Vill Landsréttur snúa þessu við og færa okkur aftur til fyrri tíðar í þessum málum?  Er Landsréttur skipaður of fáum konum?


mbl.is Áfrýja 14 ára dómi fyrir manndráp
Tilkynna um óviðeigandi tengingu við frétt

Vegalaus þjóðgarður

Þessi þjóðgarðshugmynd er á margan hátt góð en í umræðuna vantar alveg allt tal um það hvernig fólk á að komast um þennan stærsta þjóðgarð Evrópu.  Um þjóðgarða erlendis liggja vandaðir bílvegir þvers og krus eins og þeir þekkja sem farið hafa um þessa garða bæði í Evrópu og Ameríku. 

Um hálendi Íslands en enn alltof lítið um góða akvegi utan virkjanasvæða, en þar hefur Landsvirkjun lagt góða vegi lagða slitlagi.  Aðrir hálendisvegir eru malarvegir, illfærir mestallt árið ýmist vegna bleitu eða þurrka.  Úr þessu þarf að bæta svo við getum farið að stæra okkur af stærsta þjóðgarði Evrópu.  En úrbætur á þessu sviði munu kosta hundruð milljarða.  Kannski mætti flytja fé úr Bargarlínunni frægu yfir í gerð góðra hálendisvega.


mbl.is Markmiðið að „tefja ferðamenn á för sinni“
Tilkynna um óviðeigandi tengingu við frétt

Aðgengi fatlaðra

Hvað með aðgengi fatlaðra. Getur ekki verið að fatlaðir hafi líka gaman af því að viðra sig úti í náttúrunni eins og við hin.  En til að svo megi verða þarf einmitt malbikaða stíga fyrir hjólastóla og rafskutlur fatlaðra.

Útivist er fötluðum jafnvel enn mikilvægari en okkur hinum, sem komumst allra okkar ferða án hjálpartækja.  Malbikaðir stígar sem allra víðast eru því himnasending fyrir fatlaða.  

Við ættum því að spara hrokann og nota manngæskuna meira í staðinn.  Það eru svo margir rassar aðrir en okkar eiginn sem þarf að hugsa um.


mbl.is „Komið nóg af malbiki“
Tilkynna um óviðeigandi tengingu við frétt

Það ljóta við þjóðfélagsmiðlana

Þetta er það ljóta við samfélagsmiðlana.  Þar geta allir hraunað yfir alla og eyðilagt mannorð fólks, án nokkurrar ábyrgðar á eigin orðum. 

Það er eins og sumt fólk geri sér ekki alltaf grein fyrir hvað það er í raun og veru að segja, þegar það tjáir sig á samfélagsmiðlunum. Það lætir út úr sér orð og tjáir skoðanir sem það mundi aldrei voga sér að segja beint framan í viðkomandi persónu eða persónur.

Stundum dettur manni i hug að þetta fólk búi við hálfgert andlegt gjaldþrot eða búi við svo mikla innibyrgða reiði sem það lætur vaða yfir annað fólk oft af litlu sem engu tilefni.  Og því virðist vera alveg sama þótt það særi tilfinningar annarra, jafnveg barna og unglinga ef því er að skipta.

Þetta er ljótur leikur og ætti aldrei að eiga sér stað.


mbl.is Nadía Sif er komin með nóg
Tilkynna um óviðeigandi tengingu við frétt

« Fyrri síða | Næsta síða »

Innskráning

Ath. Vinsamlegast kveikið á Javascript til að hefja innskráningu.

Hafðu samband