Fjárdráttur Reynis Traustasonar og félaga

Þessar spurningar Sigurðar Guðjónssonar lögmanns eru allar góðar og gildar.  Það er í raun stórmerkilegt hvernig rekstraraðilar DV hafa komist upp með það hvað eftir annað í áranna rás að safna upp vanskilum á skilafé eða "rimlaskuldum" eins og þær eru stundum kallaðar.  Þetta virðist enginn taka alvarlega, og jafnvel starfsmenn blaðsins láta sér linda að blaðið skili jafnvel ekki lífeyrissjóðsgjöldum og öðru skilafé vegna starfsmannanna sjálfra.  Þeir vita sem er að Ábyrgðarsjóður launa mun greiða þetta ef blaðið fer í gjaldþrot.  En hefur þetta ekki áhrif á trúverðugleika blaðsins gagnvart lesendum sínum?  Svarið held ég að sé nei, sennilega ekki.  Trúverðugleiki DV er enginn fyrir og getur því ekki minnkað.  Það er hin sorglega staðreynd fyrir eigendur og starfsmenn blaðsins.