Sigríður ekki ein á báti

Sigríður Andersen er ekki aldeilis ein á báti með þennan margumrædda dóm á bakinu.

1. Jóhanna Sigurðardóttir fékk á sig dóm fyrir brot á jafnréttislögum.

2. Svandís Svavarsdóttir fékk á sig dóm þegar hún var umhverfisráðherra.  Tengdist virkjunum í Þjórsá, ef ég man rétt.

3. Jóhanna og Steingrímur töpuðu þremur þjóðaratkvæðagreiðslum í Icesafe málinu og sátu þó sem fastast.

Fleira mætti upp telja, en er þetta ekki nóg í bili.  Sigríður er þarna í fríðum flokki vinstrimanna sem nú gera hæst hróp að henni.

Hafa stjórnmálamenn virkilega ekkert minni?  Ellegar fjölmiðlafólkið, sem þó telur sig gjarnan heilaga varðmenn sannleikans í hverju máli.

Ekki gott að hafa dóm á bakinu

Athugasemdir

[Guðmundur Ásgeirsson, 28.1.2018 kl. 14:50]

Eiga þau þá ekki öll að axla ábyrgð á þessum gjörðum sínum?

[Grímur (IP-tala skráð) 28.1.2018 kl. 19:04]

"Brotið" var að hafa ekki sinnt rannsóknarskyldu nægjanlega

Mætti manni í dag sem var með band í hendi en ekki með hundinn í bandi

[Guðmundur Ásgeirsson, 28.1.2018 kl. 19:43]

Grímur. Hvers vegna seturðu gæsalappir utan um brotið?

[Sigfús Ómar Höskuldsson, 28.1.2018 kl. 22:02]

Hér vantar talsvert upp á, eigi listinn að vera tæmandi.

Svo það sé tekið skýrt fram, þá var málsmeðferð á máli JS metin röng að mati umboðsmanns Alþingis.

En hér vantar þá þegar Ragnhildur Elín var dæmd, vék ekki.

Líka þegar Geir H Haarde var dæmdur brotlegur í sölunni f.h Ríkisins á "sölu" Íslenskra Aðalverktaka. Hann vék ekki þegar dómur var kveðinn upp 2008.

Geir H Haarde var svo dæmdur af Landsdómi, þurfti ekki að víkja en var ummbunað.

Árni Matthisen fyrir skipun, einmitt á dómara 2009. Hann var þá hættur en var umbunað af Samfó.

Gott að fá þetta á listann.

[Gústi (IP-tala skráð) 29.1.2018 kl. 01:23]

Það er víst samdóma álit skoðanabræðra þess brotlega að lögbrot, glæpir og dómar séu í lagi ef hægt er að benda á brot hjá einhverjum í öðrum flokki. Það núlli út brotið. Réttlætiskennd og siðferði Íslendinga rís víst ekki hærra en það.

[Pétur D. (IP-tala skráð) 30.1.2018 kl. 12:25]

Það er skoðun margra að aðför stjórnarandstöðunnar að Sigríði snúist í raun ekki um Landsrétt, heldur sé Landsréttarmálið bara fyrirsláttur.

Raunverulega ástæðan sé sú að hún neiti að opna landamærahliðin á Keflavíkurflugvelli upp á gátt, þ.e.a.s. neiti að veita öllum hæli sem biðja um það. Og ef það er rétt, þá er um að gera að halda í hana.

Þetta er ekkert ósennileg tilgáta, því að við vitum að vinstraliðið vill sama ófremdarástand hér og er annars staðar í Evrópu.