Afgreiðslubann á skip Færeyinga

Ég verð nú að taka undir með ónefndum skipverja á Nærabergi.  Hvernig dettur okkur í hug að neita að afgreiða skip með bilaða vél frá okkar kærustu vinaþjóð, Færeyingum.  Þetta er fyrir neðan allar hellur og ég skammast mín fyrir að vera Íslendingur í dag.  Hvenær mundu Færeyingar koma svona fram við okkur? 

Vandar Íslendingum ekki kveðjurnar

Lekamálið

Hanna Birna má undir engum kringumstæðum láta bugast núna.  Það má einfaldlega ekki gerast.

Deilihagkerfið

Þetta er mjög forvitnilegt umræðuefni, og ég hafði ekki gert mér neina grein fyrir þessari þróun fyrr en ég las þessa grein, og hef aldrei heyrt orðið "deilihagkerfi".  En sem endurskoðanda dettur mér strax í hug, að mikið af tekjum í þessu hagkerfi lendi aldrei inni á skattskýrslum fólks eða fyrirtækja?  Er það hugsanlega ein hliðin á þessu hagkerfi sem við þurfum að huga að?

Kári Stefánsson

Alltaf er nú Kári allrar athygli verður og mikið er gaman að þessar rannsóknir skuli vera unnar hér á landi og fá viðkenningu á alþjóða vettvangi.  Bara það er ómetanleg landkynning fyrir okkur.  Vonandi heldur áfram velgengni Kára og félaga hans á vísindasviðinu.

Ein mikilvægasta uppgötvunin

Ummæli Björns Vals

Það verður samt að teljast aumkvunarvert að Árni Þór skuli vera sá eini úr röðum þingmanna VG sem tjáir sig um ummæli Björns Vals í garð Geirs Haarde.  Þau fylla ekki langar raðir stórmennin í VG.

Karpa um Geir Haarde

Munnsöfnuður Björns Vals Gíslasonar

Það er nú ekki alveg nýtt að þessi maður hagi orðum sínum með óviðurkvæmilegum hætti.  Það gerist raunar næstum í hvert skipti sem hann opnar munninn, svo það tekur því nú varla að geta þess í fjölmiðlum í hvert skipti.

Kallar Geir Haarde ræfil

Erum við í Kína stundum?

Þetta er merkilegt mál fyrir margra hluta sakir.  En fyrst dettur manni í hug hvort það sé virkilega löglegt að loka fyrir samband áskrifenda á skjá einum við nærrænu stöðvarnar sem þeir hafa greitt fyrir áskrift að?  Erum við ekki örugglega á Íslandi á árinu 2014, eða erum við kannski í Kína, þar sem þegnunum er skammtaður aðgangur að umheiminum að vali stjórnvalda Kommúnistaflokksins? 

Vilja stöðva HM-útsendingar

Verkfall atvinnuflugmanna.

Það er augljóst að þetta verkfall hefur þegar valdið gífurlegu fjárhagstjóni fyrir Icelandair, og raunar alla rekstraraðila í ferðamannaiðnaði.  Og hluti af þessu tjóni er varanlegt tjón á orðspori Icelandair og íslensks ferðamannaiðnaðar í heild, sem seint eða aldrei mun vinnast upp.  Það ætti að vera eitt af forgangsverkefnum stjórnenda Icelandair á næstu árum að losa sig út úr öllum samningum við íslenska atvinnuflugmenn.

Kvarta sáran yfir röskun á flugi

Verkfall flugmanna

Það vekur mér alltaf jafn mikla furðu, þegar verkfallsaðgerðir standa yfir, sérstaklega þegar fámennar og tekjuháar stéttir eiga í hlut, að verkalíðsfélögin eru einu aðilarnir sem virðast mega valda öðrum eins miklu tjóni og þeim sýnist, án þess að skapa sér skaðabótaábyrgð.

Rétt einu sinni hafa atvinnuflugmenn tekið Icelandair í gíslingu, og allan ferðamannaiðnaðinn með, og enginn getur borið hönd fyrir höfuð sér eða krafist skaðabóta úr hendi samtaka flugmanna.  Rútufyrirtæki, bílaleigur, hótel og gististaðir, ferðaskrifstofur, matsölustaðir osfrv. osfrv., allir bíða stórtjón, en enginn mun fá það bætt, og enginn er svo mikið sem bótaskyldur.  Er þetta eðlilegt í siðuðu samfélagi?

„Einn reiður á við hundrað ánægða“

Götumynd Frakkastígs.

Ég er alveg sammála þeim sem finnst þessi bygging stórskemma götumynd Frakkastígs, séð ofan af Skólavörðuholtinu.  Það er hins vegar alltof seint að grípa til vopna núna.  Allar ákvarðanir um þetta mál voru teknar fyrir löngu síðan, og byggingaraðilinn hefur sömuleiðis fyrir löngu gert sín plön út frá þeim leifum sem hann hefur frá byggingaryfirvöldum. 

Ástæða þess að byggingaryfirvöld borgarinnar hafa ekki gert neitt með skoðanir andstæðinga byggingarinnar er augljóslega sú, að að þau voru einhuga um að heimila framkvæmdina.  Það er því ekkert hægt að gera úr þessu án þess að af hlytust langvarandi deilur, málaferli og skaðabætur.  Málið er því dautt.

Turninn mun „skaga út í götuna“