"Verndum þá sem eru veikir fyrir"

Ég verð að lýsa yfir fullum stuðningi við skoðanir Kára í þessu máli.  Höfum hugfast að allt umstangið í kringum Covid-19 er vegna þeirra samborgara okkar sem eru eitthvað veikir fyrir heilsufarslega séð.  Ef ekki væri vegna þeirra þá mundum við láta kórónuveiruna ganga yfir eins og hverja aðra flensu.  Það gerum við hins vegar ekki af umhyggjusemi við þá sem gætu dáið af veirunni.

Þetta sama hugarfar eigum við að hafa þegar kemur að vímuefnum eins og áfengi, sem um aldir hefur verið hættulegasta vímuefni mannkynsins. Af því deyja fleiri árlega en af nokkru öðru vímuefni.

Við sem berum gæfu til að höndla áfengi af hófssemi, verðum að hafa í huga hagsmuni þeirra, sem ekki eru eins heppnir og við og eru fíklar. 

Því meiri ástæða er til að gera þetta, þegar það liggur fyrir að þessi tillitssemi kostar okkur ekki neitt. 

Þeir sem eru að draga þennan vagn og vilja auka aðgengi almennings að áfengi, eru að vinna fyrir verslunina í landinu, en þar eru Hagar fremstir í flokki, með langt yfir helming allrar smásöluverslunar í landinu.  Hvað eru Hagar tilbúnir að greiða fyrir þessa hagsmunagæslu? 

Vill banna netverslun áfengis erlendis frá

Athugasemdir

[Tómas Ibsen Halldórsson, 4.3.2020 kl. 13:35]

Tek heilshugar undir með þér Guðlaugur. Og þegar kemur að því að sumir vilja leyfa sölu áfengis í matvöruverslunum finnst mér algert brjálæði. Af hverju að setja gildrur fyrir þá sem eru veikir fyrir??? allt í nafni frjálsræðis?? frjálsræði hvers?? þeirra sem græða á því??? Þeirra frjálsræði á ekki að vera framar heilbrigði og lífshamingju annarra.