Aukið slit af nagladekkjum

Það er synd að Özur skuli ekki láta þess getið hverjir gerðu þessa "rannsókn frá í fyrra", en ég leyfi mér að efast stórlega um niðurstöður hennar hvað nagladekkin varðar.  Tölur Hjálmars hljóma mun trúlegar, en þetta mun vera nánast í fyrsta skipti sem ég er Hjálmari sammála í nokkru máli. 

Það vita allir að nagladekkin eru mesti skaðvaldurinn fyrir götur borgarinnar.  Naglarnir beinlínis fræsa upp malbikið, sem m.a. skýrir alla þá rykmengun sem mælist í borginni á þurrum vetrardögum.

Borgarfulltrúi styðst við 27 ára gamla rannsókn

Vopnaburður lögreglu

Því minni afskipti, sem misvitrir stjórnmálamenn hafa af því hvernig lögreglan gætir öryggis okkar borgaranna, því betra.  Það er sorglegt að sjá VG fólk og fleiri reyna að slá sér upp á þessu máli.  Þau verða fyrsta fólkið til að ráðast á lögregluna ef hún reynist vanbúin þegar eitthvað slæmt gerist.  Svo ómerkileg eru nú stjórnmálin og sumir þeirra þjónar.

Frétti af vopnaburði í fjölmiðlum

Borgarlínan

Nær allir samgöngusérfræðingar virðast ganga út frá því að lestar og strætisvagnar séu samgöngutæki fortíðarinnar, sem muni leggjast af á næstu 30 árum eða svo.  Þetta kom m.a. fram á morgunverðarfundi hjá Íslandsbanka um þetta efni fyrir skemmstu.  Þetta brölt okkar er því hálf broslegt, en um leið grátlegt, þar sem reiknað er með tug milljarða fjárfestingu til að koma almenningssamgöngum í 12% af umferðinni. 

Þá megum við ekki gleyma að í umræðu umborgarlínuna fyrir örfáum vikum var rætt um allt að 150 milljarða kostnað, sem nú er allt í einu orðinn einungis 63 til 70 milljarðar.  Áætlanagerðin um þetta virðist því vera mjög á reiki enn sem komið er. 

Hér er stefnt að gríðarlegri og ábyrgðarlausri eyðslu á almannafé, til að ná mjög litlum árangri í almenningssamgöngum. Þetta kerfi mun verða óbærilegur baggi á komandi kynslóðum, Harpan fellur alveg í skuggan.

Borgarlínan mun kosta 63-70 milljarða